الفن الثامن!

سكووووووت حنصور !
"غزة تغرق في الظلام"
المشهد الأول
كلاكيت تالت مرة

حماس وحكمة

تخيلوا أن شاباً مراهقاً يتمتع بالتأني و بالحكمة، كم ستكون حياته صعبة؟

وتخيلوا أيضأ ان رجلأ ستينيا يتمتع بالحماس ولكن بلا حكمة،

فكم ستكون حياتنا نحن صعبة؟؟؟؟

اعلان ضروري

أخي المواطن، انتبه!! تنتهي عطلة عيد الفطر السعيد مساء السبت الموافق 4/10/2008 حسب اعلان رام الله، أما حسب اعلان غزة فتنتهي صباح الأحد الموافق 5/10/2008 ؟؟؟؟ لذا اقتضى التنويه، وشكرا.

قدرنا

امبارح 28/9/2008 كان بيصادف الذكرى رقم 8 لانطلاقة انتفاضة الاقصى المجيدة، لاحظت انو ما حدا جاب سيرتو وخصوصا الناس اللي سمعتهم بيحكوا انو لهذه الانتفاضة الفضل في (تحرير) غزة من الاحتلال، يا ترى بشو كانوا مشغولين؟ باحياء ليلة القدر يمكن؟؟؟ يمكن...

شاورما، جوع وسياسة

"ان شاء الله بترجع فتح ونرجع ناكل شاورما وكباب" قالها الرجل الفقير مكايدا لصاحب المطعم الحمساوي عندما لم تفلح حيلته في استخلاص ساندوتش شاورما ليخمد به جوعه، وبينما هو يستدير بدراجته الهوائية ليغادر المكان طلب منه العامل على السيخ ان يهتف لابو العبد هنية لكي ينال المراد فأسرع الرجل بدراجته مغادرا و مرددا يعيش محمود عباس رئيس الشعب الفلسطيني!

غزة وين !

عطول بيضل هالسؤال محيرني يا ترى غزة محررة ؟؟ أو غزة ما زالت تحت الاحتلال؟ عالتلفزيون شفت مسؤول بيحكي انو غزة تحررت بفعل المقاومة!! "طمَّني والله"، ما مرو دقيقتين، ذات المسؤول وبذات اللقاء سمعتو بيقول غزة ما زالت تحت الاحتلال!!! دخلكم ... وين غزة؟؟؟

عقوبات جماعية

ولا مرة خطر ببالي ولا حتى بالحلم انو "مسؤول شبر المياه" قام باغلاق الشبر عن منطقة سكنية بأكملها ولمدة يومين !!! والسبب انو زعلان من أحد سكان المنطقة !!! تاري مش بس أميركا واسرائيل بيفرضوا عقوبات جماعية!!!

أمن صحي ....أمن اقتصادي.... أمن صناعي

سمعنا بالراديو انو مياه الشرب في غزة ملوثة بالنترات، وهالشي بيسبب أمراض خطيرة وخصوصا عند الأطفال، بصراحة خفنا عصحتنا وصحة اطفالنا، شو الحل طيب؟؟ قررنا بعد تفكير وحسابات طويلة انو نجيب مياه معدنية من السوق، رحنا اشترينا قنينة معبأة ومختومة بقوة واتقان في غزة!!! وسعرها 3.5 شيكل جديد (دولار وحيد بالاميركاني)!!! ايه..... قضينا نص النهار وما قدرنا نفتح غطا القنينة!!!! ليش لأ ... مأمنة من تلات جهات الله وكيلكم (أمن كوبيك).

سلطة 2

بعث الامام علي لعامله على البصرة (عثمان بن حنيف) برسالة بعد أن أبلغة الأخير انه دُعي الى وليمة فحضرها، فقال علي في الرسالة عن نفسه : " ولعل بالحجاز أو اليمامة من لا طمع له في القرص (الرغيف) ولا عهد له بالشبع، أأقنع من نفسي بأن يُقال هذا أمير المؤمنين ولا أشاركهم في مكاره الدهر أو أكون أسوة لهم في جشوبة العيش؟؟؟"

سلطة 1

أشرفت إمرأة تقية على الوزير علي بن سليمان (أحد أهم وزراء الدولة العباسية) وهو يسير في موكب ضخم مهيب. فسُئلت عمن يكون هذا المهيب الجليل وكانت تعرفه فقالت : هذا رجل سقط من عين الله فابتلاه بما ترون.